Келшымаш
-18 °С
Пылан
Все новости
Тӱрлӧ
29 шорыкйол 2021, 12:15

Вӱд модмо кече

Эше иктаж латвич ий ончыч Вўд модмо кечым тыге кумдан палемдыше шагал лийын

Вӱд модмо кече
18-19 январь йўдым теният еҥ-влак Кемий воктенсе Пўрӧвўдыш йўштылаш пеш шукын погыненыт. Йўштылаш мийыше-влакын мутышт почеш, ты кечын чатлама йўштыжат изишак чакна, левешта.
Эҥер воктене вашлийше-влак икте-весыштым шукертсек палат, сандене вўд воктене вашлийше-влак икте-весышт дене саламлалтыт, тазалыкым тыланат да юзо вўдыш лўдде пурат.
Вашлийше могыр, Кемий сельский поселений, йўштылаш мийыше-влаклан чыла условийым ышташ тыршен. Вўдыш волаш
верым келыштарыме, вургемым кудаш-чийыме вер да ырыкташ пурымо вер ямдылалтыныт. Шокшо чай кажне еҥым вучен, моло сий-кӧрматшат ситышын лийын. Кунам йўд пычкемыш йырым-ваш шем шулдыржым шалатен, эҥер воктене кечывалымсе гай волгыдо лийын.
Еҥ-влак толынак шогеныт. Кугыеҥ-влак дене пырля йоча-влакат ятыр лийыныт. Ача-авашт пелен йўштӧ вўдыш лўдде пуреныт.
Ожно ты кече Крешын йўд семын палыме лийын гын, кызыт вўдыш пурышо-влак коклаште рушыжат, марийжат, татаржат да моло калыкшат лыҥ лийын. Тыште чиймарийжат, христианжат, мусульманжат иктыш ушненыт. Йўштылшӧ-влак дене эҥгек ынже лий манын, МЧС, медицина пашаеҥ-влак тўткын эскереныт.
В. КОНДОГИН.