«Шинчавӱд лекмеш куаненам да кугешнем»

Мый шоҥго еҥ улам. Тений 21 январьыште 87 ийым темем. Илаш кажне кечын нелырак да нелырак лиеш. Вет суртышто чыла сомылым шкалан ышташ логалеш. Пытартыш кечылаште лум поран оралтым темен шындыш. Тидын нерген мый Пӱрӧмучаш школ директорлан телефон дене увертарышым. Мый тушто 37 ий пашам ыштенам, сандене полшаш йодым.

Мый шоҥго еҥ улам. Тений 21 январьыште 87 ийым темем. Илаш кажне кечын нелырак да нелырак лиеш. Вет суртышто чыла сомылым шкалан ышташ логалеш. Пытартыш кечылаште лум поран оралтым темен шындыш. Тидын нерген мый Пӱрӧмучаш школ директорлан телефон дене увертарышым. Мый тушто 37 ий пашам ыштенам, сандене полшаш йодым.

Школ вуйлатыше, мемнан школ Изи Накаряк школын филиалже улеш, Александров Родион Евгеньевич вашештыш: «Конешне полшена. Нимогай проблема уке». Эрлашыжым ик класс вуйлатышышт, химийым да биологийым туныктышо Зайнуллина Галина Аблеевна дене мийышт.

Лум шуко погынен, сандене кас марте тудым эрыктен огыт пытаре манын шонышым. Теве паша тўҥале, йоча-влакын весела йўкыштым колын, чон куана. Тыгай кугу пашам кок шагат наре жап гыч ыштен пытарышт. Мыйын куанлан мучашат уке.

Йоча-влакын пашам ыштыме жапыште мый кевытыш миен, оксам вашталтен тольым. Нунылан кажныжлан тауштыме дене пырля 100 теҥге дене пуаш шоненам. Но Галина Аблеевна вигак каласыш: «Уке! Уке! Дмитрий Яметович! Оксам огына нал!» Йоча-влакат рўжге туныктышышт дене келшыме улмыштым ончык- тышт: «Ме Тыланда полшаш толынна, а оксалан огыл».

Мый тыгай неле ситуацийыш ятыр гана логалынам. Молыгунамат нунын деч полышым ик гана веле огыл йодынам.

Мыйым нуно школышто эртарыме мероприятийлашке чўчкыдын ўжыт. Машина дене толын налыт, мероприятий деч вара конден кодат. Нуно мыйым тыге аклымылан моткоч куанем. Чылаштлан пеҥгыде тазалыкым, тунеммаште да пашаштышт кугу сеҥымашым тыланем.

Дмитрий ЯМЕТОВ, педагогический пашан 45 ий стажан ветеранже, РСФСР калык просвещенийын

отличникше.