«Кӱртньӧ имньым» ямдылена

«Кӱртньӧ имньым» ямдылена

Рейд-влакым ГИБДД инспектор, БР-се пўртўс поянлык дене пайдаланыме да экологий министерствын, БР-се сонарзе да колызо-влак ассоциацийын специалистше-влак эртарат. ГИБДД инспектор-влак снегоход-влакым прицепыш шынден корно дене кондыштарымым, посна техникыште государственный регистрационный знак-влак улым текшыраш тўҥалыт. БР-се пўртўс поянлык дене пайдаланыме да экологий министерствын, БР-се сонарзе да колызо-влак ассоциацийын специалистше-влак сонарлыме тарман дене закон дене келшышын пайдаланымым, сонарлыме нормым шуктымым эскераш тўҥалыт. Тыште палемден кодыман – снегоход дене сонарлаш йӧршын ок лий!

Мероприятий годым эн тўткын снегоход ден лумышто коштмо моло средства-влак текшыралтыт. Рашрак лияш гын, - регистраций правилым шуктымаш, разрешающий категориян тракторист-машинист удостоверений улылык, внедорожный транспортный средствам виктараш допуск да техникын тўзык улмыжо. Тыгак техника оза-влак дене умылтарымаш паша эртаралтеш.

Гостехнадзор инспекций ушештара: снегоход оза-влак техникым налме деч вара тудым лу сутка жапыште районысо гостехнадзор инспекцийыште регистрироватлышаш улыт. Снегоход дене кошташ тракторист-машинист удостоверений ден «АI» категорий кўлыт.

В. АЗИПОВ, ИГТН начальник.