Мутшо ден пашаже келшен толыт

У ий вашеш Монар ялыште илыше Баязовмыт Владлен эргыштын служитлыме часть гыч тауштыме серышым налыныт. Самырык рвезым кеҥежым армийыш ужатеныт. Армийыш кайымыж годым тудо ача-аважлан, ял калыклан сайын служитлаш товатлен. Мутшо ден пашаже келшен толыныт.

У ий вашеш Монар ялыште илыше Баязовмыт Владлен эргыштын служитлыме часть гыч тауштыме серышым налыныт. Самырык рвезым кеҥежым армийыш ужатеныт. Армийыш кайымыж годым тудо ача-аважлан, ял калыклан сайын служитлаш товатлен. Мутшо ден пашаже келшен толыныт.

Тауштыме серышыште теве кузе возымо: «Пагалыме Валерий Валентинович ден Светлана Изибаевна! Материально-технический обеспечений шотышто военный академийын филиалжын учебный центрын командованийже (младший специалист-влакым ямдылыше) Владлен эргым ончен-куштымыланда кугу таум каласа. Тендан эргыда чын, принципиальный салтак семын ойыртемалтеш. Учебный центрыште службым эртыме жапыштыже шкенжым сай могырым гына ончыктен. Служебный обязанностьшым сайын шуктымыжлан командований икана веле огыл тудым палемден. Тудо ўшанен пуымо пашам эре кугу ответственность дене шукта. Тудо салтак погоным честь дене нумалеш. Ме ўшанена, эргыда ончыкыжымат тыгаяк койышан лиеш. Пагалымаш дене частьын командирже».

Владленын Стерлитамакысе физкультура колледжыште шуаралтмыже службыжлан сайын полша. Вет тудо биатлон дене Башкирийын сборный командыштыже улеш. Кеҥежым тудым таза да эшеат шуаралтшым мӧҥгыштыжӧ вучат.

В. КОНДОГИН.