Корным олмыкташ шонена

Корным олмыкташ шонена

Ӱлыл Шогертен ялысе тӱҥалтыш школ зданийыште Верысе инициативылан полыш программа проект полшымо дене могай пашам ышташ кўлмым рашемдыше погынымаш эртен. Ондак Ирсай сельсовет администраций тидлан ямдылыме пашам шуктен.

Погынымаште район администраций вуйлатышын финанс йодыш шотышто заместительже - район администрацийын финанс управленийын начальникше З. Шамсутдинова, Ирсай сельсовет сельский поселений администраций вуйлатыше С. Хазиев, ял староста В. Адылшин, сельский поселений депутат Л. Саляева, ялын активше да ялыште илыше-влак лийыныт.

Зинаида Анатольевна погынышо-влаклан районышто 2016 - 2020 ийлаште Верысе инициативылан полыш программа почеш шуктымо паша-влак нерген ойлен да палемден, тиде программа Башкортостан Республик правительствын инициативыж почеш илышыш шыҥдаралтеш. Программа яллаште илыше-влакын палемдыме эн пўсӧ проблемылам решатлаш виктаралтын. Проектын цельже - верысе властьын решатлен кертдыме проблемылам рашемдаш да решатлаш.

Погынымаште Ӱлыл Шогертен ялыште илыше-влак 2021 ийыште ты программыш ушнаш да ялыште корным олмыкташ кўлмє нерген йўкленыт. 7 еҥ гыч шогышо инициативный группым ыштыме. Нуно ял калыклан умылтарыме пашам намийышаш улыт. Инициативный группыш Д. Сайнашевым, Э. Ишмурзиным, А. Килинбаевам, Ж. Адылшинам, Л. Саляевам, Р. Шагиевым, С. Байгазовым пуртымо.

Л. САЛЯЕВА.