Эн шоҥго кокай

Эн шоҥго кокай

Ожнырак Нерге ялыште Байгуза Байрамгузинович ден Калима Саликовна иленыт улмаш. Байгуза Калимам Совай (Изи) Соказа гыч марлан налын лийын.

Нунын 8 икшывышт шочын: Аймырза, Тарима, Оксинья, Орина, Иван, Илья, Маня, Женя. Оксинья ўдырышт ешыште кумшо икшыве лийын. Тудо 1925 ий 20 декабрьыште шочын. Изинек пашам ышташ тунемын кушкын. Вет тудлан аважлан тўрлє сомылым ышташ да шольо-шўжарже-влакым ончаш кўлын.

Жап шумеке, Оксинья школышко тунемаш каен да 7 классым пытарен. Школ деч вара медсестралан тунемаш пурен, но тунем пытарен кертын огыл. Ик жап гыч ўдырым, моло ўдыр-рвезе-влак дене пырля, торфым лукташ колтеныт, Яман-Елгаштат (Караидель районышто) чодырам руымаште пашам ыштен. Нерге ўдыр-влак дене пырля шахтыштат пашам ышташыже пернен. Но ик жап гыч тудлан Уфа олашке толаш да шырпе фабрикыш пашаш пураш йӧн лектын. Лач тушто тудо шкенжын ончыкылык пелашыже – Ямайым вашлийын. Ямай павай Пєкленде ялыште шочын-кушкын. Кугу Отечественный сарыште кредалын, 1945 ийыште Сеҥымаш дене пӧртылын. Пєртылмекыже, Уфа олашке пашаш каен. Ямай ден Оксинья тушто икте-весыштым вашлийыныт да келшаш тўҥалыныт. Ик жап гыч, 1951 ийыште, нуно возалтыныт. Эше ик жап гыч нунын Люда ўдырышт шочын.

Ты жапыште Оксиньян аваже нуным ялышкышт пєртылаш йодын, кеч изиш полшеда манын. Вет Оксиньян ачаже ты жаплан ош тўня дене чеверласен. Тудо финн сарыште кредалын, пленыш логалын, мӧҥгеш эмганен пєртылын да кужу жап илен огыл. Тыге еш Нерге ялышке толын да пӧртым налын илаш тӱҥалын. Оксинья колхозышто пашам ыштен, а Ямай сельпошто товаровед лийын ышташ тӱҥалын. Тудо 53 ийым темымешкыже илен. Пырля 4 икшывым ончен куштеныт: Людам, Олям, Сашам, Соням. Оксинья кокайын Саша эргыже илыш дене пеш эр чеверласен. Люда ден Оля Совай Соказаште илат, лапкызе лийын ыштеныт, кызыт пенсийыште улыт. Эргыже шофёр лийын. Соня ўдыржӧ бухгалтерлан тунемын, ик жап специальностьшо почеш ыштымеке, колхоз пашашке куснен.

Тачысе кечылан Оксинья кокайын ик шочшыжат кодын огыл. Кандаш икшыве гыч тудо шкетын веле ила. 20 декабрьыште 95 ийым тема. Тудым кызыт Соня ўдыржӧ онча. Кокай ынде олян гына коштеш, пеш шагал ойласа. Тудын чылаже 14 уныкаже да 22 кугезе уныкаже уло. Нуно чыланат кувавашт деке унала толын шогат, куваваштым кунадараш тыршат. Люда ден Олят чўчкыдынрак унала толын каяш тыршат, Сонялан полшен шогат.

Оксинья кокайым алал кумылын 95 ияш юбилейже дене саламлена, тазалыкым, пиалым, суапым да шуко-шуко куаным тыланена. Уныкат, икшывет-влаклан куанен, пиал дене иле йывыртен.

М. ГАРЕЕВА, Нерге ялысе ветеран-влак организацийын председательже.