Келшымаш
-8 °С
Лум
Все новости
Тӱрлӧ
18 теле 2020, 15:17

«Юрист, артист да психолог»

18 декабрьыште ЗАГС органласе пашаеҥ-влак шке профессиональный пайремыштым палемдат

«Юрист, артист да психолог»
ЗАГС шомакым пелештет да тунамак шинча ончылно сўан сем почеш самырык мужырын порын шыргыжмыже сўретлалтеш. Ты организацийыште пашам ыштыше-влаклан тидыже «айсбергын» ик лукшо гына, конешне, эн пиалан да шарнымашеш кодшан паша.
Граждан-влакым илышын тӱрлӧ этаплашкыже ужатыме годым нунылан юристат, артистат, психологат лияш перна. Лач ЗАГС пашаеҥ-влак гражданинын икымше государственный документшым - шочмо нерген свидетельствым да ешын икымше документшым - мужыраҥме нерген свидетельствым пуат. Айдемын пытартыш документшымат - колымо нерген свидетельствым нунак кучыктат. ЗАГС пашаеҥ-влаклан документ-влак дене пашам шуко ышташ перна.
Еҥ-влакым пагалымаш, умылымаш, чон порылык, еҥ ойгым умылымаш - чыла тиде качество БР-се Юстиций паша
шотышто государственный комитетын Мишкан районысо ЗАГС отделын вўдышє специалист-экспертше Лилиана Бурнашеван уло.
Тиде должностьышто Лилиана Рафиковна 2006 ий гыч ышта. 2021 ий январьыште ЗАГС отделыште ыштымыжлан 15 ий темеш. Лилиана Бурнашеван кок высший образованийже, кугу паша опытшо уло. Тудо Алена Байгузиновна Терегулован вуйлатымыж почеш пашам ышта. Нунын коллективышт икоян, вашла полыш кидым шуяш эре ямде улыт.
Вўдышӧ специалист-эксперт Лилиана Рафиковна - сай, ответственный специалист, пеш порядочный да оҥай айдеме
улеш. Шке пашажым йӧрата, кажне кечын пайремыш кайыме гай кая.
Должностной регламентыште тўҥ специалист-экспертын обязанностьшо раш палемдалтын, но Л. Бурнашева тидын дене гына ок серлаге, тудо шке мастарлыкшым эре шуарен шога. Тудын паша обязанностьышкыжо гражданский состояний актышке вашталтыш ден тӧрлатымашым пурташ, лўмым вашталташ йодмаш-влакым налаш, йот элла гыч свидетельство ден документ-влакым колташ йодмашым возаш, архивым намияш да молат пурат. Вўдышӧ специалист-эксперт кажне еҥ
дене мутланен мошта, ўчашымашым лукшо йодышлам писын решатлен кертеш. Лилиана Рафиковнан тўҥ качествыже - илышым йӧратымаш да позитив.
Тудо сай пелаш да ава улеш. Марийже Тимур Равильевич Мишкан РОВД-ште пашам ышта, ДПС инспектор улеш. Бурнашевмыт 18 ий пырля илат, кум йочам воспитатлат. Аделина аван корныж дене каен - БГУ-н икымше курсыштыжо тунемеш, нылымше классыште тунемше Альбиналан 10 ий, Амирлан шым ий гына, тудо йоча садыш коштеш. Кок ий
ончыч шуко икшыван еш пєртсий пайремым эртарен.
Мыйын героем еш шокшым аралымаште эн тўҥжӧ йӧратымаш, чытымаш да ответственность кўлыт манеш. Лилиана
Бурнашеван пашажымат лач нине кум мут дене аклаш лиеш. Тудо шке профессийжым йӧрата, кеч-могай ситуацийым умылен вашлиеш да шуктымо пашажлан тўрыснек вуйын шога. Чыла услугым жапыштыже да сай качество дене пуа.
Светлана ТОЙМУРЗИНА.