Пиал ты гана кӧлан шыргыжын?

Эртыше кугарнян районный газет редакцийыште уэшын приз-влак модылтыныт.

Ты гана пиал нине еҥ-влаклан шыргыжын: З. Галинурова (Урьяде), Н. Попова (Кемий), А. Аймурзин (Мишкан села, Дружба урем, 18-1). Нуным чылаштымат алал кумылын саламлена да редацийыш призлан толаш ўжына. Пелен паспортым, ИНН-ым, СНИЛС-ым налман. Лудшына-влаклан эше ик гана ушештарена: подписка декада, кунам те газет ден журнал-влаклан шулдырак ак дене возалтын кертыда, 20 декабрь марте шуялтын. Икманаш, тендан шулдырак ак дене возалташ эш ик арня жапда уло.

Газетлан возалтын призым модын налнеда гын, подписной квитанцийдам редакцийыш колтыза але кондыза. Эше кугурак призым модын налашлан районный да республиканский газет-влаклан возалтман. Тидын годым квитанций-влакым тыгай адрес дене колтыман: 450079, Уфа ола, Октябрьлан 50 ий темме лўмеш урем (ул. 50-летия Октября), 13, ГУП РБ ИД «Республика Башкортостан», каб. 212. Тидын годым «Подпишись и выиграй» пометкым ыштыман. Тек пиал тыландат шыргыжеш!

Венера АГЛЯМОВА.