Келшымаш
-10 °С
Пылан
Все новости
Тӱрлӧ
18 теле 2020, 14:07

Мотор кож, яндар гирлянда-влак да ий...

Мишкан селаште ий ола чоҥалтеш

Мотор кож, яндар гирлянда-влак да ий...
У ий марте кок арня наре жап кодын. Йырым-ваш шучко вирус озалана гынат, Культура дворец ончылно пайрем шўлышым пуртышо ий ола чоҥалтеш.
23 метр кўкшытан мотор кожым Уял воктенсе чодыра гыч кондымо. Площадьым мотор олашке савыраш манын, шагал огыл ийым кондымо. Ий гычын тыгак тўрлӧ фигура-влак ышталтыт да йырым-йыр олан пырдыжше чоҥалтеш. План дене
келшшын, ийым образований отделын, агопромышленный колледжын, ветстанцийын, ДРСУ-н, «СтройПроект» ООО-н,
«Мишкан» ПЖКХ ООО-н, Мишкан сельсовет СП администрацийын пашаеҥже-влак конденыт. Тудым кылмыше эҥер гыч
бензопила дене пўчкын налыныт. Ийын кўжгытшо 30 см наре.
Тыгай ий кандар-влакым эҥер гыч лукмо паша куштылго огыл. Нуным пўчкаш да посна пагор дене пижыктен лукташ перна,
а кажне ий катышын нелгытше 60 кг наре. Коллектив-влак чылаже кок тўжем утла тыгай ий «кермычым» конденыт. Тўрлє
фигура-влакым площадьыште изак-шоляк Дим ден Рим Галимовмыт ыштеныт. Нунын тыршымышт дене площадь палын
сӧрастаралтын - тыште ўшкыж (китай календарь почеш шушаш идалыкын символжо), маска, лабиринт, ий курык-влак, йомак персонаж-влак, фотозона улыт.
Ий олам чоҥымашке Мишкан сельсовет СП администраций пашаеҥ-влакат ушненыт. Йоча-влак ий олам алал кумылын йӧратен шынденыт. Нунылан эн чот ий курык келша.
Тыште нуно кечывалымат, кастенат куанен мунчалтат. Кастене площадьышке еҥ-влак пўтынь ешышт дене толыт. Рўмбалгыште ий ола нимучашдыме моторын коеш, тўрлӧ тўсан чевер гирлянде-влакым ончен, шинча лумалтеш. Гирлянде-влакым «Мишкан» ПЖКХ ООО ден Мишкан РЭС сакаленыт.
Кечывалым шинчам вошт койшо фигура-влак куандарат. Ий олаште кожла гыч руэн кондымо самырык пўнчӧ-влакат пеш
моторын койыт. Икманаш, РДК ончылно ий ола теният мотор деч мотор лийын. Тудо тышке толшо кажне еҥын шўм-чонышкыжо пайрем шўлышым пурта да У ий жапысе юзылыклан ўшаным пӧлекла.
Светлана ТОЙМУРЗИНА.