Келшымаш
-18 °С
Пылан
Все новости
Тӱрлӧ
11 теле 2020, 15:37

Кинде – чылалан вуй!

Шукерте огыл магазинлаште уэшын «Мишкан» ПО-н продукцийжым ужалаш тўҥалме

Кинде – чылалан вуй!
Мишкан киндым йӧратыше-влак тидлан моткоч куаненыт. Вет селасе калык веле огыл, районысо тўрлӧ яллаште илыше еҥ-влакат райпон киндыжым моткоч йєратеныт. Но ик жап тудым ыштымым чарныме ыле – шым тылзе ончыч, Райпотребобщество панкротыш кодмо деч вара, пекарне петыралтын. Ты жапыштак райпо магазин-влакат петыралтыныт.
Юмылан тау, пекарньыште уэшын киндым ышташ тўҥалаш йӧным мумо. Пашаке тушто ончыч ыштыше еҥ-влакымак ўжмӧ. Нуно чыланат кугу стажан специалист улыт да киндым веле огыл, тўрлӧ тамле булка ден моло сийымат ыштен моштат. Теве нунын лўмышт: «Мишкан» ПО-н диспетчерже Г. Ахмерова (10 ий утла пашам ышта), пекарь-влак А. Бикмурзина ден А. Галиаскарова (чумыр паша стажышт 88 ий), техничка Н. Хайдаршина, водитель Ф. Бикбулатов. Кызытеш, конешне, пекарь ден кондидер-влак огыт сите, но ме сайлан ўшанен кодына.
Предприятийын ассоритментшат але поянжак огыл – кызыт икмыняр тўрлӧ кинде ден батоным гына ыштат. Но план почеш
уэшын кулинар цехым почаш, полуфабрикат-влакым ышташ тўҥалаш, киндым ужалаш ларёк-влакым почаш палемдыме. Продукцийым тўрлє ялла ден моло районлаштат, олалаштат ужалаш тўҥалаш шонымашышт уло. Ме нунылан ўшаныштым шукташ тыланена.
Эртыше кугарнян предприятий торжественно почылтын. Почмашке БР-се Мишкан район МР администраций вуйлатыше П.
Трапезников, «Мишкан» ПО совет председатель И. Багманова, совет председательын заместительже А. Ахтямов миеныт. Нуно чыланат пекарь-влаклан пашам сайын ышташ тыланеныт.
Мучашлан Павел Трапезников предприятийлан тўрлӧ йӧн дене полшаш сӧрен – вет районысо калыкын шкенан дене ыштыме
киндым налаш йӧнжӧ лийшаш!
Мероприятий мучаште совым рўж кырыме почеш коҥга гыч икымше шокшо киндым лукмо, тудым почмашке мийыше кажне
толшо еҥлан пукшымо.
Венера АГЛЯМОВА.