«Йоча - мыйын пиалем!»

«Йоча - мыйын пиалем!»

Мемнан районышто шуко икшыван еш-влак шукемыт. Октябрь мучаште Мишкан район администрацийыште

шуко икшыван кум авалан «Материнская слава» медальым кучыктымо. Тиде - Любовь Исеметова, Екатерина Каниева да Галина Байгузина.

Таче ме иктыж дене палдарена. Любовь Исеметовна шке икшывыж-влак дене кугешна. Тудын эн кугу ӱдыржӧ ынде кугемын, кызыт ныл эргыже кушкеш. Изи капан 41 ияш ты ўдырамашым ончет да умылет: ава лияш - моткоч кугу пиал. Икте ик йочам ышта да кугу шем точкым шында. Кокымшо йочам молан ыштыдымыжым

шӱдӧ амал дене умылтарен кертеш. А весым нимогай лўдыкшє, роскот ок лӱдыктӧ. Тыгай ӱдырамашыже моткоч поян улеш: йоча воштылмаш ятырлан шуко, йӧратымаш да кажне икшыве верч кугешнымаш нимучашдыме пиалым пєлеклат. Сандене икшыве-влак тыланет могай кумылым шочыктат манме йодышлан тудо шыргыжалын вашешта: «Йоча-влак - мыйын пиалем!»

Шуко икшыван ава кажне икшывыжын илышыже сай лийже манын тырша. Кугурак Екатерина ӱдыржылан 23 ий. Тудо райцентрыште продавецлан ышта. 20 ияш Сергей сварщик улеш. Тений самырык рвезылан армийыш кайыман. Военкомат повесткым 9 декабрьлан колтен. Георгий кокымшо классыште тунемеш, Егор - икымше классыште, а эн изи Евгений декабрьыште кум ийым гына тема.

Любовь Исеметова (ўдыр фамилийже Валиева) Мишканыште, изирак ешыште кушкын.

-Ме ешыште кок икшыве лийынна. Мыйын шкемын икшывем шуко лиеш манын, нигунам шонен омыл. Пўрымаш тыге савырнен. Икымше пелашем Артур деч ӱдырем ден эргым шочыныт.

2010 ийыште мый тулык ватыш савырнышым. Ик ий гыч пўрымаш Герман дене ваш ыштен. Тудо кокымшо пелашем лие. 2012 ийыште мемнан Георгий эргына шочо, вара адак кок эргым ыштенам. Кугу ешлан пӧртыштӧ шыгыррак лийын, сандене у пєртым ышташ тарваныме. Фундаментым нӧлтымӧ.

Сурт оза кызыт вес кундемыште пашам ышта. Сандене икшыве-влак дене оза вате шкетын улеш. Любан

мутшо почеш, икшывыж-влак деч эре пеҥгыдын йодеш.

- Мый пеҥгыде ава улам, кугурак икшывем-влаклан йолташ лияш тыршем, но панибратство манмым ом чыте. Мемнан ешым поян манаш ок лий. Но тидынатшке сай могыржо уло. Ме шергакан гаджетым, вургемым да

мебельым пешыжак налаш огына тырше. Йоча-влак ялысе моло икшыве гаяк кушкыт, нуным воспитатлаш пелашем дене кугу верым ойырена.

Изирак-влак кугуракыштым ончен кушкыт. Кунам Сергей мӧҥгыштӧ улеш, шольыжо-влак воктечше ик минутланат огыт ойырло. Тудо шкенжым физически шуараш отжиманийым ышта гын, шольыж-влакат почешыже тудын ыштымыжым ышташ тыршат.

Шуко икшыван ешын суртышто шокшо да йоҥгыдо. Изи-влак посна пӧлемыште модыт, Катя шольыж-влаклан, школ гыч толмо жаплан, кечывал кочкышым ямдыла. А ме Любовь Яковлевна дене мутланена. Шуко икшыван

ава коробкым почын, медальым лукто да шӱм ӱмбаке кофтыш пижыктыш. Тудын ты сомылым кузе эплын шуктымыжым ончен, семынем шоналтышым: «Ава шўм - тиде йєратымаш теҥыз, тудо чыла икшывылан сита». Ик-кок икшывым але ныл-вич икшывым онча, ава чылаштлан шке чоныштыжо ик наре верым ойыра. Вет азам ыштыме дене гына паша ок пыте, нуным воспитатлаш, йол ўмбак шогалташ да еҥлан йӧрышым кушташ шагал огыл вий-ӱнар кўлеш.

- Мый тыште нимогай геройлыкым ом уж. Мый ава улам, шке икшывем-влакым кушташ да воспитатлаш тыршем. А тиде пашам шуктен кертам мо - илыш ончыкта, - манеш Любовь Яковлевна.

Светлана ТОЙМУРЗИНА.