Специалист-влакым таптыше апшатгудо

Специалист-влакым таптыше апшатгудо

Тудын историйже тыгай.

1940 ий 2 октябрьыште СССР Верховный Совет Президиум «СССР-ын государственный паша резервше нерген» пунчалым луктын.

Тиде пунчал элыштына профессионально-технический образованийлан негызым пыштен. Еҥ-влак ожсек умыленыт –

кеч-могай пашат кӱлешан улеш да кеч-могай профессият престижныйлан шотлалтын кертеш. Чылажат айдемын пашаже - тыршымыже да усталыкше деч шога.

Профтехобразований – айдемылан профессийым пуышо система. Тыгай учрежденийлаште туныктымаш паша посна сынан

– тушто чын профессионалым, эл ден обществылан пайдам кондышо, чыла могырчынат виян личностьым ямдылаш тыршат.

Районыштына самырык-влаклан профессионально-технический образованийым Мишкан селасе агропромышленный колледж пуа.

19 ноябрьыште тиде колледжыште туныктышо ден производственный обучений мастер-влакым лач тиде событий дене саламлыме. Мишкан селасе агропромышленный колледж 1992 ийыште шочын. Тиде ийыште селаштына «Мишкан» совхоз негызеш 150-ше №-ан ПТУ почылтын. Илен толын, ПТУ лицейыш савырнен, варажым – колледжыш.

Индешлымше ийлаште профобразований система элштына йӧршын шалаталтын, манаш лиеш. Пашам ыштыше ятыр ПТУ

ден СПТУ петыралтыныт. Но ӧраш гына кодеш – Мишкан селасе агропромышленный колледж (тунам эше ПТУ) лач ты жапыште шочын да вияҥын. Селаштына профессионально-технический училише шочмеке, самырык ўдыр ден рвезе-влаклан тыштак, тўрлӧ олалашке кайыде, ятыр специальность ден профессийым налаш йӧн лектын. 1992 ийыште туныктышо ден мастер-влаклан училищыште туныктымо пашам келшыше кўкшытыш нӧлталме верч кугун тыршаш пернен. Но нуно чыла нелылыкым сеҥеныт да республикыштына ик эн сай туныктымо учрежденийыш савыреныт. Тачысе кечылан Мишкан агропромышленный колледж жаплан келшен толшо туныктымо заведений улеш, тудо ял озанлык профильысе специалист-влакым туныктымо шотышто чыла йодмаш дене келшен толеш. Туныктымо программат сай, туныктышо-влак

коллективат чолга да уста, кабинет-влакат чыла шотыштат келыштаралтыныт, студент-влакат тўрлӧ коннкурслаште эре

призовой вер-влакым налыт да сеҥышыш лектыт.

Тунемме заведенийым почмо жап гычын тачысе кече марте Россий Федераций профессиональный образованийын начальникше, Башкортостан Республикысе образованийын сулло пашаеҥже, Башкортостан Республикысе ял озанлыкын сулло пашаеҥже Валерий Тимиргалиевич Байбулатов вуйлата.

Колледжыште туныктышо-влак ден производственный обучений мастер-влак чыланат икымше але высший квалификационный категориян улыт. Коллектив тыгак «БР образованийын отличникше» лўмым налше-влак дене кугешна. Теве нунын лўмышт: Нафиса Раиловна Шарифуллина, Алевтина Анатольевна Ершова, Геннадий Павлович Искаков, Алексей Александрович Саликаев, Зарема Гильмуллиновна Садирова, Павел Александрович Бикмасов.

Колледж тўрлӧ профессий-влаклан туныкта: «Мастер сельскохозяйственного производства» тыгай специальность-влак почеш: вольыкым ончымо комплекс ден механизированный ферма-влак оператор; ял озанлык машина ден оборудованийым олмыктышо слесарь; ял озанлык производствын В, С, Е, F категориян тракторист-машинистше; В, С категориян автомобиль водитель;

«Ял озанлык производствын тракторист-машинистше» тыгай специальность-влак почеш: ял озанлык машина ден оборудованийым олмыктышо слесарь, ял озанлык производствын В, С, Е категориян тракторист-машинистше, С категориян автомобиль водитель;

«Повар-кондитер» тыгай специальность-влак почеш: повар, кондитер; «Мастер общестроительный работ» тыгай специальность-влак почеш: каменщик, кид дене пўгыла варитлыше электросварщик;

«Пчеловод» тыгай специальность-влак дене: мўкш ончышо, С категориян автомобиль водитель;

Автомеханик тыгай специальность-влак дене: автомобильым олмыктышо слесарь, заправочный станций оператор.

Ешартыш профессиональный образований программыш пурат: «А», «В»,«С» категориян автомобиль водитель», «Электросварщик ручной сварки», «Пчеловод», «Оператор электронно-вычислительных и вычислительных машин», «Тракторист-машинист сельскохозяйственного производства», «Паркетчик», «Плотник», «Столяр строительный»,

«Слесарь по ремонту автомобилей», «Тракторист категории В, С, Д, Е, F».

Кыдалаш профессиональный образований специальность-влак почеш кыдалаш звеносо специалист-влакым ямдылыме программыш пурат: «Механизация сельского хозяйства» (техник-механик квалификаций) да «Экономика и бухгалтерский учет» (бухгалтер квалификаций).

Тачысе кечылан колледжыште 400 студент тунемеш. Колледж 28 ий жапыште чылаже 6000 утла специалистым туныктен луктын. Нуно тўрлӧ вере пашам ыштат. 19 ноябрьыште профтехобразованийлан 80 ий темме вашеш Мишкан агропромышленный колледжын актовый залыштыже пайрем мероприятий эртен. Погынышо-влаклан салам шомакым Мишкан район МР Совет председатель Р. Плотников, Мишкан район МР администраций вуйлатышын кадр да социальный

йодыш-влак шотышто заместительже Л. Александрова да колледжын директоржо В. Байбулатов ойленыт. Валерий Тимиргалиевич шкенжын салам шомакыштыже тунемме заведенийын тўҥ задачыже-влакым палемден. Тудын мутшо почеш, колледжын пашаже регионысо социальный, экономический ситыдымаш-влакым кораҥдаш виктаралтшаш, рашрак

лияш гын, учреждений кўкшӧ квалификациян специалист-влакым туныктышаш. Тидын годым нуно паша рынкыште пашам муын кертшашлык, мутым кучышан, патриот шўлышан лийшаш улыт. Салам шомак деч вара колледжыште туныктышо, производственный обученийын мастерже-влакым республик да район кўкшытан Чап грамот да тауштыме

серыш дене палемдыме.

Мишкан районысо культура дворецын пашаеҥже-влак пайрем вашеш оҥай концертым ямдыленыт улмаш. Тудым чыланат алал кумылын онченыт да совым рўж кыреныт. Мероприятийым тыгак «Образованийын отличникше» А. Саликаевын выступленийже сӧрастарен. Алексей Александрович С. Викуловын «Плуг и борозда» почеламутшым чоным тарватышын да сылнын лудын.

Светлана ТОЙМУРЗИНА.