Кожлаште шочын изи кож

Кожлаште шочын изи кож,

Кожлаштак тӱзланен.

Кеҥежше-телыже, лӱҥген,

Сылнештын ужарген.

Поран шып мурым муралтен:

Папалте, изием.

Леведын теле лумжо ден:

Ит кылме, чукаем.

Изи мераҥ кожнаже йыр

Куржталын куанен.

Коклан сур пире корныж ден

Кожна воктеч йортен.

Таван йымалне ныжыл лум

Шып мурым муралеш,

Ош имне писын корно ден

Кожлаште кудалеш.

Шӱшкен кая мо пуйто тер,

А терыште – марий.

Кия воктенже изи кож

- вуча кожнам У ий.

Мотор, ужарге изи кож

Пайремыш толылден.

Йоча-влакалан кож шуко пеш

Куаным пӧлеклен.

Эсен Элай марлаҥден.