Суд зал гыч

Суд зал гыч

Тудо 2020 ий январь тылзыште «Пятерочка» магазиныш пурымо годым иян тошкалтышыште мунчалтен да шуҥгалт каен, эмганен. Эҥгекыш логалше эмлалташ ятыр оксам кучылтын. Тудо магазин директор деке эҥгекын кугытшым пӧртылташ йодын миен. Но тудын йодмыжым шотыш налын огытыл. Тазалыкшым пӧртылтышашлан ӱдырамаш 36653,73 теҥге оксам пытарен. Стационарыште эмлалтын, кугу корштымашым чытен, шкем шке обслуживатлен кертын огыл, еҥ полышлан эҥертен. Чыла тидым шотыш налын, ӱдырамаш эмлалтме да эм роскотым пӧртылташ да моральный эҥгеклан 60 тӱжем теҥгем тӱлаш йодын судыш йодмашым пуэн.

Титаканын (ответчикын) представительже йодмашым шукташ огыл манын йодмаш дене лектын. Тудын мутшо почеш, магазиныш пурымо тошкалтыш эре эрыкталтеш, лум куалтеш да тошкалтышыш шєнчал шавалтеш.

Суд заседанийыште рашемын, йодмашым возышо «Пятерочка» магазин ончылан эмганен. Тиде помещенийым «Агроторг» ООО арендоватла. Ответчик шке обязанностьшым тӱрыс шуктен огыл - теле жапыште тошкалтыш кӱлеш семын ок эрыкталт. Тидыжым йодмашым возышо да кок свидетель пеҥгыдемденыт.

Суд исковый йодмашын ужашыжым, эмлалтмылан, эмым да медицинский изделийын налме роскотым - 34091,40 теҥгем, моральный эҥгеклан компенсацийым 25000 теҥгем, представительын услугыжын роскотшым 13300 теҥгем тӱлаш пунчалым луктын

С. ШАНГАРЕЕВА, Бирский межрайонный судын консультантше.