Картингист-влак стартыш лектыныт

Картингист-влак стартыш лектыныт

Тылеч ончыч тыгай таҥасымаш кужу жап эртаралтын огыл – шучко вирус картинг денат кудалышташ йӧным пытарен.

А вет спортын технический видше-влакат йоча ден самырык-влаклан моткоч пайдале улыт – нуно техникым палаш, таза илышым илаш, корнышо коштмо правилым тунемаш кумылаҥдат.

Игече ударак шоген гынат, таҥасымаш чыла йодмашым шуктен эртаралтын. Стартыш лекше-влакым тичмаш таҥасымаш процесс вучен, а тудет тунеммаш-тренировка сбор да таҥасымаш гыч шоген. Таҥасымаште «Самырык водитель» йоча ушемыште тунемше 16 рвезе вийжым терген. Нунылан трассыште икмыняр йырым савырнаш да картым лумышто моштен

виктараш кўлын. Чолга таҥасымаште 10-11 ияш-влак коклаште призовой вер-влакым Кирилл Исадыков (1-ше вер), Ислам

Шакиров (2-шо вер) да Николай Зандинов (3-шо вер) налыныт.

12-13 ияш-влак коклаште Динар Тухбатуллин сеҥен, Андрей Александров кокымшо лийын, Егор Ишмурзин – кумшо. 14 ияш да кугурак-влак коклаште Павел Рудников эн чолга да чулым улмаш, кокымшо верым Мурад Султаншин налын, кумшым –

Кирилл Саптиев.

Вес тыгай таҥасымаш шошым гына эрта. Но тудлан уже ямдылалташ тўҥалме. Картингыште урокым кодаш ок лий.

Опытым кажне занятийыште от пого гын, сай результатым от ончыкто.

В. АГЛЯМОВА («Путник» ЦДЮТ-н материалже почеш).