15 сес/октябрь – Мужо ден осалым поктымо кече.

15 сес/октябрь – Мужо ден осалым поктымо кече. Тиде кечын тӱрлӧ мужо, кӱлдымаш да екысуко-влакым поктен колтыман. Тидым шкем арун да тыматлын кучен гына ышташ лиеш. А мужо-влак тиде кечын моткоч шукын чоҥештылыт. Кӧ шкенжым арун ок кучо да еҥым ок пагале, тудым авырен налыт да имне олмеш кычкат, орландарат. Екысуко-влак коклан айдеме сынымат налын кертыт, но марий огыл, а вес калык лийын толыт – чыган, суас, эфиоп да моло. Коклан поп але сарзе (очыни, салтак але полицейский лийын кертыт) сынымат налыт.

Тиде кече гыч мемнан деке йӱштӧ толеш.

Мужо ден осалым поктымо кечын кугу йӱр йӱреш да мардеж туманла гын, теле йӱштӧ лиеш.

15 октября - День изгнания злых духов и духов болезней. Чтобы они не приставали, в этот день нужно вести себя осторожно - быть аккуратными и вежливыми. А всяких духов сегодня полно. Кто теряет осторожность (пьяниц, лодырей, лентяев), они оседлают и мучают целый день. Злые духи могут принять и человеческий облик - могут прикинуться иностранцами. Иногда принимают облик попа, полицейского или солдата.

В этот день к нами приходят морозы.

Если в этот день идёт дождь и свирепствует ветер - зима будет холодной.

Вячеслав Камилянов.