Чылан мастар лийыныт

Творческий танасымашке Мишкан район гыч пошкырт да татар калык гыч лекше 9 мотор ўдыр ден ўдырамаш-влак участвоватленыт. Тиде лўмым налшаш верч участник-влаклан икмыняр текшырымаш гоч эрташ пернен. Конкурс выставка дене тўналын. Тудым Культура пєртын фойештыже верандыме. Выставкыште тўрлє йєн дене ыштыме кидпаша-влак лийыныт: ургымо, пидме, тўрлымє, макраме, бисер дене пидме да моло. Ончышо-влаклан Кигазытамак ял гыч кондымо Ш. Бабич лўмеш музейын экспонатше-влак поснак келшеныт. «Ханым-солтаным» лўмым сулен налшаш верч «Таныш буйлык» икымше конкурс гычак виян кучедалмаш тўналын. Конкурсант-влак тудым сайын эртеныт - кажныже шкеж нерген, профессийжым йєратымыже нерген устан почын пуэн. Варажым татар да пошкырт элемент-влакым кучылтын ыштыме кызытсе вургем конкурс лийын. Тиде заданийыште участник-влак сценышке национальный вургемым чиен лектыныт да шке вургемышт дене палдареныт. Вес конкурсышто участник-влак художественный самодеятельностьышто шке талантыштым ончыктеныт. Нуно мурым муреныт, куштеныт, почеламутым лудыныт. Гульфина Имамутдинова драматург, Башкортостан Республикын калык поэтше Ангам Атнабаевын произведенийже гыч монологым устан лудын. Конкурсын вес участникше Лилия Нигматзянова сценышке ўдыржє дене лектын, нуно пырля сылне мурым йонгалтареныт. Лилия Хизаева вокалже дене куандарен, тудо татарла мурым мурен. Самырык конкурсантка Розалина Гайфуллина сылне куштымаш дене куандарен. Конкурсант-влак творческий конкурсым чылан сайын эртеныт да кўкшє баллым налыныт. Интеллектуальный конкурсышто калыкмутым, туштым, мурым, татар поэт-влакын почеламутыштым палымыштым ончыктеныт. Пытартыш конкурс - национальный кочкышым ончыктымаш лийын. Тыште адакат участник-влак шке мастарлыкыштым тўрыс почын ончыктеныт: конкурсыш мўй дене ямдылыме чак-чакым, паре‰ге дене ыштыме кыстыбыйым, шыл гыч ыштыме беляшым, татарла губадийым, баурсакым, эчпочмакым да моло кочкышым луктыныт. Судья-влакын ўстелыштышт тамле деч тамле кочкыш лы‰ лийын. Жюри иктешлымашым ыштыме жапыште Кугу Шаде СДК-н артистше-влак изирак концертым ончыктеныт. Теве кужун вучымо жап - конкурсым иктешлымаш да награждений - шуын. Сценышке жюри член-влак чылан лектыныт. Ныл участник номинант лийын: Назифа Нурисламова (У Карач) - «Самая обаятельная», Гульнара Мустафина (Урьяде) - «Самая мудрая», Алия Муртазина (Урьяде) - «Самая проворная», Лилия Нагматзянова (Татарбай) - «Самая мелодичная». Кумшо верым Янагуш ял гыч Флюра Загитова ден Татарбай ял гыч Светлана Тимергалиева налыныт. Кокымшо верышкат кок е‰ лектын, коктынат Кугу Шаде ял гыч улыт - Гульфина Имамутдинова ден Розалина Гайфуллина. Икымше верым Татарбай гыч Лилия Хизяевалан пуымо. «Ханым-солтаным» лўмым налше Лилия Ямиловна шкеж нерген тыгерак палдарыш: - Мый 1974 ийыште Татарбай ялыште шочынам. 29 ий шочмо ялысе школышто ыштенам. Бирский ГПИ-м пытаренам. Паша корнемым Татарбай школышто тўналтыш класслаште туныктышо семын тўналынам. Тўналтыш класслаште тунемше-влакын шагалеммыштлан кєра пошкырт йылмым да литературым туныктышо лияш логале. 2009 ийыште ты профессий дене дипломым нальым. 2014 ийыште историй да обществознанийым туныктышо специальность дене дипломым налынам. Татарбай школым петырымеке, 2023 ийыште Йылыш школышто ышташ тўнальым. Рамзиль пелашем мыйын ўшанле энертышем улеш. Ме 1993 ийыште мужыра‰на. Регина ўдырна ден Рамиль эргына шочыч, но ныл икшывым воспитатленна. Мемнан ешыш Чулпан ден Радим толыныт. Радим эргынан ўмыржє кўчык лийын. Моло икшывына-влак шке ешышт дене илат. Кызыт мемнан куд уныкана уло. Конкурс мыланем пеш чот келшыш. Кажне участниклан ты лўмым пуаш лиеш ыле. Организатор-влаклан, залыште шинчыше-влаклан совым рўжге кырен кумыла‰дымыштлан, жюрилан пеш кугу тау.

Светлана ТОЙМУРЗИНА.