Пушкинын йомак тўняштыже

Мишкан районысо йоча сад ден дошкольный группа-влаклан апрель поснак лектышан лийын, нуно «Салам лийже, театр!» конкурсышто участвоватленыт. Воспитатель да нунын полышкалышышт, музыкальный вуйлатыше, йоча да нунын ача-авашт Александр Сергеевич Пушкинын шочмыжлан 225 ий теммылан да Руш йылме кечылан ямдылалтыныт. Конкурсышко ныл коллектив ушнен. Тиде - Мишкан селасе «Родничок» 4 №-ан, «Ласточка» 3 №-ан, «Василек» 2 №-ан филиал йоча сад-влак да Кемий ялысе дошкольный учреждений. Кузерак эрта тыгай мероприятий? Мыланем икмынярыштыже лияш пиал логале. Конкурсный паша-влакым «Башкортостанысе руш-влак собор» отделенийын председательже Татьяна Коледина ден тудын заместительже Татьяна Кондогина, образований отделын методистше Ирина Кусюкбаева, Тўвыра полатын методистше Марина Минилбаева акленыт. «Родничок» йоча сад Изи пўкен-влак уна-влакым вученыт. Туштак «Поэт на все времена» книга выставке, йоча-влакын сўретышт, Пушкинын портретше вера‰далтыныт. Декораций онай. Теныз, пуш, шєртньє кол, шонго кугыза ден кува, шелше вол. А покшелне ўмыл театрлан вер кодалтын. Декорацийым эскерымым кенета Петрушка лугыч ыштыш: - Пылышдам виктарыза, шинчадам карыза, ме йомакнам тўналына! Ош шовыч ше‰гелне актер-влакын йўкышт солна, нуно шке геройышт дене палдарат. А ончыктатше «Кол да колызо нерген йомакым». Теве кугыза ден кува лектыт, вашке гыч шєртньє кол койылалта. Кум тыланымаш шукталтеш, но опкын куван намысше кугу - тудлан эре ок сите. Мучашлан тудо уэш шелше волжо воктене кодеш. Ончышо-влаклан шижаш гына кодеш, шовыч шенгелне артист-влак шке рольыштым лудыныт але наизусть тунемыныт? Нуно сайын ямдылалтыныт. Районышто йоча ўмыл театр икте гына, модшо-влак шке рольыштым наизусть паленыт. Аклыше-влак чыла шотыш налыныт - интонацийым, кузе ойлымым, тарванылмым… Тиде эше ик гана ончыкта, йоча-влак талантан улыт, нунын творческий мастарлыкыштым вияндаш кўлеш. Воспитатель Раиса Иликбаеван, туныктышо-логопед Татьяна Змеева да кугурак воспитатель Оляна Байрамован тыршымыштлан кєра йоча-влакын модмышт пеш кўкшын аклалтын. «Ласточка» йоча сад Декорацийым теныз темылан келыштарыме. Тошто волым ончен, вашке колызо ден ватыже лектыт манын шонет. Йошкар тувырым чийыше ўдыр унавлакым саламлен да «Кол да колызо нерген йомакыш» омсам почын. Баянын ныжыл семже йомак шўлышым ешарен. Шо‰- го кугыза ден куван тупышт коршта, тидыжым изи артист-влак пеш келыштарен ончыктеныт. А теве могай тыланымашым ойыраш - нунын ушышт ситен огыл. Опкын койышлан кєра шєртньє колым сыратеныт гына. Мучаште чылалан раш лийын, опкын койыш порыш ок шукто. Но тыште инсценировка мучашым кызытсе жаплан келыштарыме: кува марийже деч проститлаш йодеш, вет илышыште эн тўнжє - еш. Тидыже жюри член-влакын кумылыштым шке велкышт савырен. Аклыше-влакын мутышт почеш, артист-влак мутым сайын тунемыныт, образ-влакым почын моштеныт. Уна-влак музыкальный вуйлатыше Елена Крутовалан, воспитатель-влак Елизавета Ишмухаметова ден Светлана Салмияровалан конкурсышто чолган участвоватлымыштлан таум каласеныт да пашаштышт се‰ымашым тыланеныт. «Василек» йоча сад Лудшо-влаклан Александр Сергеевич Пушкинын «Сказка о царе Салтане, о сыне его славном и могучем Богатыре Гвидоне Салтановиче и о прекрасной царевне Лебеди» шарналташышт перна. Уна-влаклан декораций пеш келшен. Тыште мом гына от уж: кўнчыла, шўдыр, шун кєршєк, урлан посна пусак, кугыжа ден кугыжан ватылан кочкаш погымо ўстел… Лач книга выставке гына ончышо-влакым кызытсе жапыш пєртылта да тиде театральный постановка манын шонаш тарата. Воспитатель Ольга Иликбаева йомакзе семын ойлаш тў‰але веле, чылан йомак тўняшке логальыч. Кум ўдыр кўнчылам шўдыра, нуно мурым мурат… Жюри член-влакын мутышт почеш, мероприятий ик шўлалтыш дене эртымыла эртен. Тиде произведенийыште герой-влак шукын улыт. Школыш каяш ямдылалтше да кугурак группа-влак гыч кумло наре йоча модын. Вургем-влак келшыше лийыныт. Тыште шке кид дене ямдылыме чиемымат келыштареныт. Йомак мучаш эре пиалан лиеш. Мучаш пайремыште чылажат ушалтын - марла кандыра, рушла, пошкыртла куштымаш-влак. Жюри тидыжым кўкшын аклен. Тыштыже, мутат уке, музыкальный вуйлатыше Анастасия Кутлуметован надырже кугу. Кугу таум тыгак воспитатель-влак Лилия Абдуловалан, Екатерина Шайдуллиналан да Ольга Иликбаевалан ойленыт. Ача-ава-влак нергенат мондаш огеш кўл. Вет изи артист-влакым йоча сад деч єрдыжтє ача-ава, коча-кувава-влак воспитатлат. Жюрин иктешлымашыж почеш, «Курчак спектакль» номинацийыште «Родничок» 4 №-ан йоча сад сенышыш лектын. «Театральный постановка» номинацийыште «Василек» 2 №-ан йоча сад се‰ен. «Ласточка» 3 №-ан йоча сад призер радамыш логалын. Кемий ялысе школ пеленсе дошкольный группат призер-влак коклашке логалын. Тиде группым педагог Елена Файрузова туныкта. Саламлена!

Виктория ИШМУРЗИНА.