Паша сита…

Юрий Иванович 21 ий депутат пашам шукта, сандене ялыште могай проблема улмым моткоч сайын пала. Верысе бюджетым ыштымаште, нормативный акт-влакым приниматлымаште чолган участвоватла. 16 ий ял староста улеш. Ты должность почеш вольыкым кўтылымє, ялым тўзатыме, шўгарлам эрыктыме да моло йодыш-влакым решатла. - Ялыште паша да проблема нигунам ок пыте. Ме огыл гын, кє мыланна толын ышта, - манеш староста. Нине ийлаште газым пуртымо, корным тєрлымє паша-влак мыняр шукталтыныт, шотлен пытарашат ок лий. Тений Свердлов уремыште корным тєрлаш палемдыме. Тўшка вий дене ял шўгарлаште образцовый порядкым кучат. Кугу Отечественный сарын участникше-влаклан шогалтыме обелиск воктене эре ару. Ялыште памашым печылен шындыме. Йоча площадкыште порядке кучалтеш. Чыла ыштыме пашам шотлен пытарашат огеш лий. Юрий Николаевын архивыштыже пеш шуко Чап кагаз да Тауштымаш-влак аралалтыт. 2023 ийыште Юрий Николаевлан пожарный безопасностьым моштен организоватлымылан БР-се чрезвычайный ситуаций шотышто государственный комитетын «За доблесть» медальжым кучыктымо. Юрий Иванович 1964 ий 16 майыште Арзамат ялыште шочын. Вашке 60 ияш юбилейжым палемдаш тўналеш. Ешыште тудо эн изи - визымше йоча лийын. Ача-ава шке пашашт дене икшыве-влаклан эре пример лийыныт. Иван Николаевич ўмыржє мучко фермыште пашам ыштен, Надежда Ямидановна ончыл доярке лийын. Юрий школышто тунеммыж годымак пасушто пашам ышташ тўналын - комбайнерын полышкалышыже лийын. Кугеммекыжат шочмо ялыштыжак кодын. Кужу жап механизатор лийын ыштен, Рефанда совхозышто комбайнер лийын. Теве ынде 11 ий добровольный пожарный обществыште водитель улеш. Икманаш, тудо ўмыржє мучко шочмо верыштыже пашам ышта, сандене ялыште могай проблема уло - моткоч сайын пала. Конешне, улшо проблема-влакым ялыште илыше кажне енже пала. Шуко енжылан палыме дене мучашлалтеш гын, верысе советын депутатшылан кажныжым решатлаш перна. Ял калык тудым уста организатор улмыжлан гына огыл, а чыла ситыдымашым кора‰дышаш верч уло чонжо дене тыршымыжлан пагала. Мутат уке, пашам моштен ворандарен толмаштыже кугу верым ўшанле тылже - пелашыже Алена Алексеевна налын шога. Нуно 31 ий ваш келшен, икте-весым йєратен, пагален илат. Николаевмыт кок эргым ончен-куштеныт. Вадим ден Дмитрий илышыште шке верыштым муыныт. Сурт оза вате Пўрємучаш ял гыч улеш. Тудо пелашыжын шочмо вержым уло чонжо дене йєратен шынден, сандене тудым тўзатымаште пелашыжлан кертмыж семын полшен шога. Юрий Иванович ялыште эре ончыл линийыште улеш - тудо коммунальщик, социальный служба… Икманаш, шуктыдымо пашаже уке. Кугу опытан, пеш поро кумылан айдеме кажнылан полшаш ямде улеш. Поро ой-канашым пуа. Ялыште кажне енжым пала - изи йочамат, шонго-влакымат лўмышт дене ойла. 2024 ий 1 апрельлан Арзамат ялыште 525 ен ила, тушечын 6 ияш марте - 52 ен, школыш коштшо-влак (7 гыч 17 ияш марте) - 62 ен, 18 - 29 ияш самырык-влак - 63 ен, 30 гыч 60 ий марте кугыен-влак - 226, 60 ий деч кугурак-влак - 114, 80 ий деч кугурак шонго-влак - 7 ен. Ял калык коклаште пагалымашым сулышо Юрий Николаев моло-влакым поро пашалан кумыланден шога. Кажне сурт шке территорийжым эрыктен шога. Тўшкан пайдаланыме верлам шотышто кучат. Старостан субботникыш лекташ йодмыжлан чылан рўжге пашаш лектыт. Ик е‰ымат сурт еда сєрвален кошташ огеш кўл. Вет чылан умылат, шке илыме верым шке от тўзате гын, нигє толын ок ыште.

Светлана ТОЙМУРЗИНА