«Чылажат мемнан дечын шога»

Староста кажне ялыште ик эн пагалыме ен улеш. Ен- влак тўрлє йодыш дене ондак лач тудын деке мият. Тидлан кєра кажне старосталан ондак чытымаш, е‰ым колыштын моштымаш кўлыт, варажым – чолгалык, шке вийлан ўшанымаш да еным таратен моштымаш. Наверне, староста эше альтруист лийшаш, вет тиде пашалан пашадарым нигє ок тўлє. Андреевка ялын старостаже Станислав Ямбаевич Алиев лач тыгай ен улеш. Тудо ты пашам 2014 ий гыч шукта. Ялыште чыла пашат калык погынымашым эртарымаш гыч тўналеш. Тыгай погынымашлаште ялыште илыше-влак илемыштышт арулыкым пуртымо, субботник-влакым эртарыме шотышто ка‰ашат. Чыла пашат, конешне, Монар сельсовет СП администраций полшымо дене шукталтеш. Тиде СП администраций вуйлатыше Владимир Петров Станислав Ямбаев нерген сайым гына ойла – вет тудо вуйлатышын ик эн кугу полышкалышыже улеш. Шукерте огыл ме Станислав Ямбаев дене вашлийын мутланышна да ондак шочмо ялже нерген палдараш йодна. - Андреевка ялна районыштына ик эн мотор илем улеш. Тудын кок могырныжат олма садвлак кушкыт. Пуше‰ге-влакым ял калык шынден. Тыште кугу таум садовод Андрей Лобастовлан ойлаш кўлеш. Ялыште кок фермер озанлык уло – Марина Исакован да Александр Ванюшкинын. Марина Исакова ИП-ште вольыкым ончат, Александр Ванюшкин ИП-ште кугымєр ден эныжым куштат. Ял воктене вич пўя уло. Кумытшо – частный, кокытшо – общественный. Нине пўялаште ен- влак карп ден ош амур-влакым ашнат. Ял покшелне кок артобъект уло – «Мый Андреевкым йєратем» да «Мардеж вакш». Кум ий ончыч тиде илемыште йоча площадкым ыштыме, тушто йоча-влак кызыт куанен модыт. Нуно, конешне, шукын огытыл, туге гынат, улыт. Кодший ялыштына эше ик айдеме шочын – тиде чылалан кугу событий лийын. 2023 ийыште кум еш у суртышко илаш лектын, тугеже ялнан ончыкылыкшо уло. Ял изи гынат, памятник-влакат ышталтыт. 2012 ийыште Кугу Отечественный сарыште кредалше землякна-влак лўмеш обелискым почмо. Чаманыде каласаш ок лий, кызытат ятыр рвезына посна военный операцийыште кредалеш. Нунылан чылаштланат согыш гыч илыше да таза-эсен пєртылаш тыланена. Нуным шўм-чоныштым кеч изиш ырыкташ манын, ме гуманитарный полышым поген колташ тыршена. Ялналан шўдє ий темме вашеш эртарыме мероприятий деч вара ме ял клубым олмыктышна. Тиде клуб 2021 ий гыч ышташ тўнале. Тушто кызыт тўрлє мероприятий ден концерт-влак эртат. Тений февральыште Эдуард Киляевын суртыштыжо краеведческий музейым почна. Чаманаш кодеш, тудо мемнан кокла гыч уже каен. Суртшым тиде кече марте аваже – Рима Альмакаевна ончен. Пєртым музейлан лач тудо пуэн. А тўрлє арверым чыланат намиеныт. Кє – ожсо атышєрым, кє – ожсо вургемым, кє - молым. Теве тыгеракын илена. Ялна кугу огыл гынат, ме вашкелшен да арулыкышто илена. Чумыр вийна дене памашым эрыктенна, тушто пучым вашталтенна, шўгараламат арулыкышто кучена. Корно мемнан деке сай, урем волгалтаралтеш. Ончыкыжым Андреевка деч Корак марте корным олмыкташ палемдыме. Ялыште кажне суртышто вольыкым ашнат. Кўтўм кўташ кўтўчє ок кўл – вольыкым печылыме посна пасуш эрдене пуртыман да кастене мє‰геш лукман. Кечыгут нуным электричество орола. 2023 ийыште ме районысо ТОС-влак конкурсышто участвоватленна, тушто ялна икымше верым налын. Андреевкыште чыланат таза илышым илат. 2023 ийыште «Айык ял» республиканский конкурсын районысо этапыштыже сененна. Станислав Ямбаевич шочмо ялжым алал кумылын йєрата. Тудо 63 ий ончыч тыштак шочын. Икманаш, кушто шочын, туштак кўлеш лийын. С. Алиев виш чонан айдеме улеш, ял да район кўкшытан культурный мероприятийлаште кумылын участвоватла. Тудлан чыла пашаштат ўшанле ватыже – Лидия Владимировна полша. Нуно 2019 ийыште у пєртым чоненыт. Икшывышт уже кугу улыт. Мутланымаш мучаште, мыйын староста лияш кумылан-влаклан мом тыланынеда манын йодмемлан, Станислав Ямбаевич тыге вашештыш: - Айдемын ен-влаклан полшаш да верысе самоуправлений власть дене кылым кучаш кумылжо уло гын, тиде пашашке лўдде ушнаш лиеш. Вет кажне ялыштат шочмо илемыштым тўзаташ тыршыше е‰-влак улыт. Нуно чыла пашамат ышташ кумылын полшат. Ялыште чыланат умылат – изи илемлаште илышым шке кид дене гына саемдаш лиеш.

Светлана ТОЙМУРЗИНА.