Калык вургем кече

Башкортостан Республик вуйлатыше Радий Хабировын темлымыже почеш, республикыштына идалык еда апрельын кумшо кугарняштыже да сентябрьын кокымшо кугарняштыже Калык вургем кече эртаралтеш. Тений икымше кечыже 19 апрельлан логалын. Калык вургем ик кечыште шочын огыл, тудын кызытсе сыным налмешкыже ятыр курым эртен. Ятыр тукым тудым вашталтен да эн сайжым гына коден. Тидын годым вургемын кажне ужашыже молан-гынат кўлын але посна йўла дене кылдалтын. Вургемым ончалын, ен-влак тудым чийыше енын кушеч, могайрак тукым гыч, могай еш гыч улмыжым, марлан лекмыжым але лекдымыжым виклан умыленыт. Калык вургемын чыла элементшат аралалт кодын огыл гынат, тудым е‰-влак кумылын чият. Поснак – марий-влак. Кеч-могай марий пайремышкат марий-влак шке вургемыштым чиен мияш тыршат. Удырамаш-влак веле огыл, пєръен-влакат. Юмылан тау, калык вургемым ургышо-влак тачысе кечылан йомын пытен огытыл. Мєнгешла, пытартыш жапыште тиде паша виян толеш. Марий ИКЦ-ште эртыше мероприятий тидым эше ик гана рашемден. Тиде кечын Изи Накаряк ялысе «Ручейки» фольклор калык ансамбльын участницыже-влак руш серлагыш-влакым ыштыме шотышто мастер-классым ончыктеныт. Кугу Шаде ялыште илыше Эльвира Шайдуллина пошкырт-влакын о‰еш пижыктыме ўзгарыштым кузе ыштымым ончыктен. Урьяде ялыште илыше Алия Муртазина (ялысе клубышто методист лийын ышта) – ўдырамаш калфакым кузе ургымо дене. Туныктышо да талантан художник, кидмастар Эльвира Галимова марий калык серлагыш-влак дене палдарен, нуным кузе ыштымым умылтарен. Мастер-классым тыгак эше ик талантан да онай ўдырамаш ончыктен – тиде Лидия Мишина. Тудо, пенсийыште улеш гынат, яра ок шинче – художественный самодеятельностьын чолга участницыже улеш. Вес йєратыме пашаже – бисер гыч пидмаш. Лидия Яковлевна тўрлє марий сєрастарыме ўзгарым ышта. Ургызо-влакат тиде кечын онай могырчын єрыктареныт. Нунын кокла гыч иктыже Эвелина Саляева лийын. Эвелина Ялаевна марий тувыр-влакым атлас ленте да мотор пеледыш-влак дене сєрастара. Ольга Изибаеванат мастер-классше онай лийын, тудо марий тувырышто «лудынерым» кузе ургымым ончыктен. Олеся Михайлова Озерка ялысе клубышто методист лийын ышта. Яра жапыштыже художественный самодеятельностьын участникше-влаклан калык вургемым урга. Пайремыште Олеся Владимировна моторын тўрлаш туныктен. Озерка ялын вес уста кидпашазыже – Наталья Биктышева. Тудо шуко икшыван ава улеш, «Материнская слава» медаль дене палемдалтын. Наталья Леонидовна марий тувыр, шовыч, мындер ўмбал, сўан вургем-влакым тўрла. Тудын деч тўрлен пуаш йодшо-влак моткоч шукын улыт, республикыштына веле огыл, моло кундемлаштат. Тўрлызє кызыт Башкирийын картшым тўрлаш полша – «Тўрлымє Башкортостан» республиканский фестивальыште участвоватла. Удырамаш тачысе кечылан изи огыл пашам ыштен – Мишкан районын картшым тўрлен. Пайремын участникше-влак тиде «шедеврым» шке шинчашт дене ужыныт. Ончыкыжым Наталья Биктышева шкенжын пашажым Уфа оласе фестивальыште ончыкта. Калык вургем кечын Марий историй да тўвыра рўдер пеледышан олыкла койын. Вет шукын тушко мотор марий калык вургемым чиен миеныт. А эрвел марий калык вургем тўрлє тўсан да пеледыш-влак дене сєрастаралтмыж дене ойыртемалтеш. Кызыт ургызо да тўрлызє-влак тувыр-влакым кечым, кавам, пасу да олыклам ушештарыше тўрвлак дене сєрастарат. Тыгак ятыр йоча калыквургемым чиен мийымаш куандарен. Вет йоча-влак калык вургемым чияш огыт вожыл гын, кеч-могай калыкынат ончыкылыкшо уло. Изиж годым тыгай вургемым чиен коштшо е‰ кугеммекыжат ок вожыл, мєнгешла – кугешнен чияш тў‰алеш! Пайрем кечын тудын участникше-влак сценыште тўрлє калык вургемым ончыктеныт – марлам, рушлам, тотарлам да пошкыртлам. Мероприятийым концерт номер-влак дене «Ручейки» фольклор калык ансамбль, «Мишкан сем» мурышо калык ансамбль, «Калейдоскоп» хореографический образцовый ансамбль, «Эрвел» куштышо калык ансамбльын подготовительный группыжо да «Креатив» куштышо коллектив сєрастареныт. Мероприятий моткоч ямле да онай лийын. Тиде кечын Мишкан селасе образовательный учрежденийлаште тунемше-влак Россий калык вургем-влак нерген ятыр о‰айым пален налыныт да мастер-класс ден фотосессий-влакын чолга участникышт лийыныт.

Светлана ТОЙМУРЗИНА.