Эн уста класс вуйлатыше

Тиде конкурс идалык еда эртаралтеш да эн сай класс вуйлатышым рашемдаш полша. Конкурсын финалже палыме лиймаш гыч тўналын. Сценышке, икте почеш весе, Людмила Мусагитдинова (Кемий ялысе школ), Лариса Килинбаева (Мишкан селасе Ф. Буляков лўмеш 1 №-ан лицей), Юлия Иргубаева (Мишкан селасе 2 №-ан полилингвальный шуко профилян школ), Валентина Янгуатова (Пўнчер ялысе школ), Галина Янсубаева (Корак ялысе тўналтыш школ). «Мыйын педагогический кредом» конкурсный заданийым шуктымо годым класс вуйлатыше-влак педагогический идейышт, пашашт дене палдареныт. Тидын годым туныктышо-влаклан тунемшышт да коллегышт-влак полшымо куандарен. Туныктышо-влак конкурсын йодмашыж дечын кора‰аш тыршен огытыл. Туге гынат, тидын годым могай-гынат о‰айлыкым ешараш да шке пашашт дене сайынрак палдараш тыршеныт. «Мастер-класс» заданий куштылгыжак лийын огыл. Шкендын классет дене пашам ыштымаш – икте, тушто кажне тунемшым сайын палет, а моло туныктышо ден ончаш толшо-влакым таратымаш йєршын вес паша. Туге гынат, туныктышо-влак заданийым чыланат сайын шуктеныт. Ончышо-влаклан тиде конкурсышто чылажат о‰ай лийын. Конкурсант-влак серьёзный тема-влакым мыскара, патриот шўлыш, артист койыш дене сєрастарен кертыныт. Людмила Валерьевна Чебурашке нерген мультфильм почеш йолташын кўлешлыкше нерген палдарен. Лариса Сергеевна ончышо-влакым совла-влак дене шокташ туныктен, нуным чылаштымат ик ансамбльышке ушен. Тиде ансамбльыш образований отдел начальник Сергей Александроват кумылын ушнен. Валентина Геннадьевна ончышо-влакым икмыняр минутышто кагаз гыч фигурка-влакым ышташ туныктен. Террактыште колышо да сусыргышо-влакым уштымо лўмеш кагаз гыч ош турня-влакым ыштыме. Юлия Васильевна коллегыже-влакым ик кугу «те‰ызыш» чумырен. Тыште чыланат уш-акылыштым пўсемдаш тыршеныт. А жюрин членже-влак икте-весыштын сай койышыштым каласышаш лийыныт. Галина Павловна «Реве» йомак полшымо дене коллективыште кажне е‰ын моткоч кўлешан улмыжым почын ончыктен. Конкурсым иктешлымеке, «Идалыкын класс вуйлатышыже» лўмым Пўнчер ялысе школышто туныктышо Валентина Янгуатова сулен налын, кокымшо верым - Мишкан селасе Ф. Буляков лўмеш 1 №-ан лицейыште туныктышо Лариса Килинбаева, кумшым - Мишкан селасе 2 №-ан полилингвальный шуко профилян школышто туныктышо Юлия Иргубаева. Конкурсант-влакым чылаштымат шерге пєлек, районысо образований отдел да профсоюз организацийын дипломжо дене палемдыме. Конкурсын участникше-влакым саламлыме годым Сергей Андреевич тиде конкурсым эртарымаш поро йўлашке савырнымым палемден. Вет класс вуйлатышын пашаже самырык тукымым воспитатлымаште моткоч кўлешан. Варажым класс вуйлатыше-влакым профсоюз организаций вуйлатыше Алена Килинбаева саламлен да чылаштланат илышыштышт пиалым да пашаштышт эшеат кугурак се‰ымашыш шуаш тыланен.

Фирдаус КАДИКОВА